వారం రోజుల్లో జుట్టు రాలిపోకుండా ఆపటం ఎలా? - How to prevent hair fall naturally in 1 week

                      జుట్టు రాలిపోకుండా  ఎలా ఆపటం అని గత 8 నెలలు గా చాలా బాధ పడ్డాను.. వాడని షాంపూ లేదు.. ట్రై చెయ్యని ఆయిల్ లేదు.. హెన్న, ఎగ్ సోన ఇలా అన్ని చేసి విసుగొచ్చింది..  నాచురల్ గా ఏమైనా మార్గాలు ఉన్నాయేమో అని ఇంటర్నెట్ , న్యూస్ పేపర్స్ చూసా .. కాని అవన్నీ త్వరగా ఫలితలిచ్చేవి కావని వదిలేసా.. మహా ఐతే ఒక నెల వరకు చూడగలం జుట్టు రాలటం ఆగిందా లేదా అని.. అంతే కాని నేలలకొద్ది ఎదురు చూడలేం కదా.. 

అనుకోకుండా ఒకరోజు ఫేస్ బుక్ లో ఒక పోస్ట్ చూసా .. అందులో సారంశం.. " కరివేపాకు హెయిర్ ఫాల్ ని తగ్గించే గుణం ఉందని"
ట్రై చేస్తే పోయేదేం ఉందని ఇలా ట్రై చేశా.. ఆశ్చర్యంగా ఒక వారం రోజుల్లోనే ఫలితం కనిపించింది.. అందుకే వేరే ఎవరైనా నాలా బాధ పడితే, ఒకసారి ఇది ట్రై చేసి చూడండి.. 

1. ఏదైనా హెయిర్ ఆయిల్ తీసుకోండి మీరు రోజు తలకు వాడేది ఏదైనా సరే eg. కొబ్బరి నూనె
2. అందులో ఎండబెట్టిన కరివేపాకు (సుమారు ఒక 15 ఆకులు) , డ్రై మెంతులు కొంచెం, ఆవాలు నూనె(Mastard ఆయిల్)హెయిర్ ఆయిల్ కి సరిపడా(50/50%) కలిపి ఒక 2 రోజులు బాటిల్ లో వేసి మూత బిగించి వదిలెయ్యండి.. ఎండబెట్టిన కరివేపాకు అందుబాటులో లేనప్పుడు పచ్చి ఆకులు హెయిర్ ఆయిల్ లో వేసి అవి బాగా వేగిపోయే లా మరిగించి, చల్లగా ఐయ్యక బాటిల్ లో వేసుకోవాలి 
3. కొంచెం ఈ నూనె గోరువెచ్చగా వేడి చేసి, ఆ తరువాత తలకు మాడు కి తగిలేలా మసాజ్ చేసుకోండి. 
4. మసాజ్ చేసుకునేటప్పుడు తల ముందుకు వంచి హెయిర్ ముందుకు ఉంచి చేసుకోవాలి..ఇలా ఒక 15 నుండి 20 నిమిషాల వరకు మసాజ్ చేసి ఒక గంట తరువాత తక్కువ గాఢత గల ఎ షాంపూ ఐనా తీసుకుని తల కి స్నానం చేసేసుకోవాలి.. 

ఇలా ఈ ఆయిల్ రోజు విడిచి రోజు(వారానికి 3 సార్లు) తలకు పట్టించటం వల్ల జుట్టు రాలటమే  కాదు తెగటం కూడా తగ్గుతుంది.. ఐతే మరి కొన్ని జాగ్రత్తలు తీసుకుంటే ఇంకా మెరుగైన ఫలితాలు పొందొచ్చు.. 

•  మార్కెట్ లో దొరికే ప్రతి షాంపూ ట్రై చెయ్యటం మానేసి ఏదైనా తక్కువ గాఢత గల షాంపూ (జాన్సన్ న జాన్సన్ బేబీ షాంపూ ఐన సరే ) ఒకటి వాడవలెను. 
• పొడుగాటి జుట్టు కలవారు జుట్టు చిక్కులు పడకుండా ఉండాలంటే ఏదైనా హెయిర్ కండిషనర్ వాడొచ్చు.. ఐతే కండిషనర్ మాడు కి మాత్రం తగలకుండా తల వెంట్రుకలకు మాత్రమె తగిలినట్లు చూసుకోవలెను. లేనిచో చుండ్రు సమస్యకు ఇది ఒక కారణం.. 
•  వేడి నీళ్ళ తో స్నానం చేసేటప్పుడు తలకు వేడి నీళ్ళు కాకుండా వీలైనంత చల్లని నీళ్ళు వాడటం మంచిది.. లేదంటే జుట్టు మొదళ్ళ నుండి రాలిపోతుంది.. 
• తడి జుట్టు పై దువ్వెన తో దువ్వకూడదు.. లేనిచో తడి జుట్టు త్వరగాఊడిపోతుంది.. 
• హెయిర్ డ్రయర్ వాడకుండా ఏదైనా మెత్తటి టవల్ తో జుట్టు ఆరపెట్టటం మంచిది..  హెయిర్ డ్రయర్ వల్ల జుట్టు పొడి బారి పోయి నిర్జీవంగా మారి మెరుపు సహజత్వాన్ని కోల్పోతుంది.. 
• తలకు స్నానం చేసిన మరుసటి రోజు కూడా 10 నుండి 15 నిమిషములు పైన చెప్పిన విధంగా మసాజ్ చేసుకుంటే జుట్టు పెరుగుదల త్వరగా ఉంటుంది

 నోట్: -
టైం వారం రోజులు అన్నాను కదా అని గ్యారంటీ గా తీసుకోకండి.. ప్రయత్నం చెయ్యటం లో తప్పు లేదు కదా.. నా విషయం లో వారం లోనే కనిపించిన్ది.. ఇలా చెయ్యక ముందు రోజు కి 100 - 150 వెంట్రుకలు చప్పున రాలిపోయేవి.. ఇలా చేసాక 15-20 కి చేరుకున్నాయి.. 3 వారాలు తరువాత కొత్త వెంట్రుకలు కనిపిస్తున్నాయి.. హెయిర్ వాల్యూం తల పైన ఎక్కువగా అనిపిస్తుంది..